«Вячэрні Магілёў»: у заходняй Беларусі жыве больш за ўсё «вычварэнцаў»


СОЦЫУМ / Monday, November 19th, 2018

Пры гэтым газета рада гомасэксуальным адносінам у турме. ¯\_(ツ) _/¯

19 лістапада. Магілёў (не вячэрні). Ігар Лазоўскі / Photo Sputnik Belarus

! У тэксце выкарыстоўваецца элементы мовы варожасці!


У №91 газеты за 14 лістапада аўтар Паліна Малініна прыдумала новы стэрэатып пра ЛГБТ.

Згодна з «Вячэрнім Магілёвам», больш за ўсё геяў, лесбіянак і трансгендэраў пражывае на захадзе Беларусі. Канкрэтна – у Брэсцкай вобласці. У якасці падставы аўтар узгадвае нашумелы артыкул «Гей-вечарынка скончылася зонай». Прычым з сайта дадзены тэкст быў выдалены пасля ўмяшальніцтва Міністэрства інфармацыі.

«Больш за год таму ў «Вячорцы» быў апублікаваны артыкул пад назвай «Гей-вечарынка скончылася зонай», аўтарам якога між іншым было заўважана, што геаграфія пражывання вычварэнцаў ў краіне шырокая, але больш за ўсё іх на разняволенным і дэмакратычным захадзе Беларусі», – упэўненая Малініна .

Далей яна канстатуе, што «гэтую ісціну на сваёй шкуры давялося спаўна паспрабаваць на сваёй шкуры жыхару аграгарадка Палыкавічы, 29-гадоваму Арцёму (імя зменена) ».

Справа ў тым, што малады чалавек ладна выпіў з двума таварышамі з Брэсцкай вобласці, пасля чаго тыя яго збілі і пагражалі згвалтаваннем, чаго, на шчасце, не зрабілі.

На абодвух завялі крымінальную справу за злоснае хуліганства. Аднаго з тых, хто нападаў прысудзілі да 3 месяцаў арышту, другога – да 1 году калоніі строгага рэжыму.

«Вячэрні Магілёў», які так топіць супраць ЛГБТ, раптам радасна скарыстаўся стэрэатыпам пра гомасэксуальныя адносіны ў турме:

«Відавочна, што … знаходжанне на зоне дэфармавала яго псіхіку і прывяло да з’яўлення пэўных садомскіх замашак. Выдатная магчымасць для іх рэалізацыі прадастаўлена слугамі беларускай Феміды », – піша газета.

Мабыць журналісты газеты дзесьці ў глыбіні душы ўсё ж ўхваляюць ЛГБТ-адносіны.

Leave a Reply

Your email address will not be published. Required fields are marked *