Судовы працэс, які доўжыўся з ліпеня 2019 года, завяршыўся перамогай газеты.

18 снежня. Магілёў. Алесь Святліцкі

Увага! Пры перадрукоўцы гэтага матэрыяла іншымі СМІ, пазначэнне mspring.online як крыніцы з гіперспасылкай на арыгінал ў першым абзацы абавязковае!


У красавіку 2019 гады пасля скаргаў ЛГБТ-актывіста Валянціна Цішко Міністэрства інфармацыі заявіла пра выяўленне прыкмет экстрэмізму ў двух матэрыялах газеты «Вячэрні Магілёў».

Экспертная камісія па ацэнцы інфармацыйнай прадукцыі на прадмет наяўнасці ў ёй прыкмет праявы экстрэмізму пры Мінінфарме ўгледзела экстрэмісцкія выказванні ў двух матэрыялах – «У ва што выліваецца нецярпімасць да вычварэнцаў?» і «Лірычных пачуццяў нацягнутыя струны».

Министерство информации обнаружило экстремизм в газете «Вечерний Могилев»

Абодва матэрыялы былі апублікаваныя каля двух гадоў таму. У першым аўтар ухваляе збіццё гея ў Мінску ў 2016 годзе. У другім распавядаецца аб збіцці гея ў Слаўгарадзе. Тэксты былі падпісаныя аднолькава – імем «Аляксандр С.».

Ленінскі РАУС пачаў справу аб адміністрацыйным правапарушэнні. У чэрвені яе перадалі ў суд Ленінскага раёна. Судовы працэс стартаваў 8 ліпеня.

Пад час паседжанняў прадстаўнік газеты Станіслаў Леўчанка неаднаразова заяўляў, што ніякіх прыкмет экстрэмізму ў матэрыялах «Вечернего Магілёва» няма. Ён рэгулярна апеляваў да розных рэлігійных тэкстаў і прыводзіў у якасці аргументу той факт, што супраць ЛГБТ у свой час выказваліся прэзідэнт Беларусі Аляксандр Лукашэнка і міністр унутраных спраў Ігар Шуневіч.

«Лукашенко употреблял гомофобную риторику более жесткую, чем в наших материалах». Как судили «Вечерний Могилев» ВИДЕО

У жніўні, пакуль ішоў працэс у Магілёве, газета паспрабавала абскардзіць рашэнне экспертнай камісіі Міністэрства інфармацыі ў эканамічным судзе Мінску, але пацярпела там паразу.

Пасля гэтага юрыст выдання Станіслаў Леўчанка запытаў новую экспертызу ўжо ў судзе Ленінскага раёна – на гэты раз у Дзяржаўным камітэце судовых экспертыз.

Суд направил статьи «Вечернего Могилева» на лингвистическую экспертизу

18 верасня суддзя Аляксандр Бушкевіч задаволіў хадайніцтва прадстаўніка газеты. Даследаванне матэрыялаў «Вячэрняга Магілёва» доўжылася амаль тры месяцы і ў выніку абярнулася поспехам для газеты.

Эксперты Упраўлення Дзяржаўнага камітэта судовых экспертыз Рэспублікі Беларусь па Магілёўскай вобласці прызналі, што «у матэрыялах, размешчаных на Інтэрнэт-рэсурсе vecherniy-mogilev.by “Судны дзень. Лірычных пачуццяў нацягнутыя струны” і “У ва што выліваецца нецярпімасць да вычварэнцаў?” выказванняў пабуджальнага характару, якія заклікаюць да гвалтоўных дзеянняў (дзеянняў, накіраваных на прычыненне шкоды) гетэрасексуалаў ў адносінах да чалавека альбо групы асоб, аб’яднанай па прыкмеце прыналежнасці да гомасэксуалаў ці падтрымліваючых падобныя дзеянні, не маецца ».

18 снежня працэс у судзе Ленінскага раёна прадоўжыўся. Суддзя Бушкевіч выслухаў экспертаў і правёў спрэчкі паміж бакамі.

У выніку суд прыняў пад увагу вынікі апошняй экспертызы і адмовіўся задаволіць патрабаванні міліцыі і прыцягнуць «Вячэрні Магілёў» да адказнасці.