У магілёўскіх шпіталях кормяць пратэрмінаванымі прадуктамі

Няякаснай ежай кармілі нават дзяцей.

Камітэт дзяржкантролю Магілёўскай вобласці разам з органамі санітарнага нагляду выявіў, што ў Магілёўскай абласной дзіцячай бальніцы і ў Магілёўскай гарадской бальніцы хуткай дапамогі кармілі пратэрмінаванымі прадуктамі.

Віна за гэта ляжыць на прадпрыемстве «Дыета», якое валодае правам забяспечваць харчаванне хворых ва ўстановах аховы здароўя Магілёва.

Як адзначаецца ў прэс-рэлізе Камітэта дзяржкантролю, на які спасылаюцца «Магілёўскія ведамасці», у дзіцячай бальніцы выяўлена згушчанае малако, шакалад, каўбаса і тварожная паста са скончаным тэрмінам прыдатнасці.

У бальніцы хуткай дапамогі ў буфеце кармілі шніцалямі, якія былі зробленыя з пратэрмінаваных курыных кумпячкоў. У санітарнага нагляду таксама былі прэтэнзіі да захавання санітарных норм і да працэдуры падрыхтоўкі іншай ежы.

Пратэрмінаваная прадукцыя знайшлася нават у магілёўскім медвучылішчы – у кафэ «Окей», якое размешчана непасрэдна ў будынку ўстановы адукацыі.

КДК накіраваў адпаведныя прадпісанні ў адміністрацыю горада і вобласці.

Каментар

Ваш e-mail не будзе апублікаваны ( required )

УКантакце

Facebook

Архіў