Дзесяць галоўных матэрыялаў 2018 году, якія табе будзе не сорамна паказаць сябрам


ПРАВААБАРОНА / Wednesday, December 26th, 2018

Пакуль мы не запаўзлі за калядны стол, склалі для вас дзесяць топавых тэкстаў (і не толькі тэкстаў), якія лічым асаблівымі.

Мы вырашылі адрэфлексаваць, якія публікацыі сталі для нас асаблівымі і чаму. Гэта не топ-10 ад апошняга месца да першага. Гэта спіс, дзякуючы якому ў наступным годзе мы дакладна станем лепш.


Хто трапіць у спіс дэпутатаў гарсавета. Наш прагноз. Вынікі.

Чаму ў спісе? Таму што мы на мясцовым узроўні мы выдатна даказалі адну з двух рэчаў: альбо нам варта ехаць па грошы і славу на «Бітву экстрасэнсаў», альбо выбары ў Беларус і – гэта шоў у стылі ТНТ.


Што адчувае маці, сына якой збіраецца забіць дзяржава?

Чаму ў спісе? Таму што ты сутыкаешся са зваротным бокам смяротнага прысуду і бачыш перад сабой чалавека, якога караюць горш, чым смяротніка – халодным і спланаваным забойствам сына. На дадзены момант Ігар Гершанкоў ужо расстраляны.


Расеі патрэбны Магілёў. Яна паспрабуе забраць яго праз моладзь

Чаму ў спісе? Таму што выразна расклалі, як Расея хоча ўрваць сабе трохі крыштальнага сасуда. Пасля публікацыі матэрыялу прайшло больш за паўгода, але ўлічваючы адносіны Беларусі і Расіі, ён стаў яшчэ больш актуальным.


Магілёўскія журналісты паставілі суддзю на месца: унікальны дэмарш у Беларусі (ВІДЭАФАКТ)

Чаму ў спісе? Таму што падчас здымкі наш аператар упершыню ў сваім жыцці так яўна ўбачыў рэдкую з’яву – салідарнасць беларусаў.


Як сядзяць на зоне палітвязні ў Беларусі: праўда пра правакацыі

Чаму ў спісе? Таму што гэта ўнікальны досвед адзінага на дадзены момант палітвязня з вялікім тэрмінам у нашай краіне.


У Магілёве сям’ю з дзецьмі перасяляюць з утульнай кватэры ў жудасны інтэрнат (ВІДЭА)

Чаму ў спісе? Калі СМІ і патрэбныя, то ў першую чаргу для таго, каб паказваць, у якое (прабачце) лайно спрабуюць акунуць людзей не з ліку прадстаўнікоў улады.


Красавік у кастрычніку. Як гэта – хварэць на рак і рабіць свой родны горад лепш?

Чаму ў спісе? Таму што гісторыя Каці Красавік – гэта гайд для любога чалавека па жыцці. Простая гісторыя пра тое, што як бы табе не было дрэнна – уставай і рабі.


Омскі блогер распавёў, што можа чакаць Магілёў пасля запуску «Омск Карбон»

Чаму ў спісе? Па дзвюх прычынах. Першая – цалкам верагодна, што омская будучыня чакае і Магілёў. Другая – гэта адзін з двух матэрыялаў, з-за якіх кіраўнік «Омск Карбону» прасіў пачаць крымінальную справу ў дачыненні да журналістаў нашага сайта.


”Білі па геніталіях, пагражалі засунуць швабру ў анал”.

Чаму ў спісе? Таму што рэдкі выпадак, калі пра катаванні і здзекі з боку людзей у форме кажуць адкрыта і дамагаюцца праўды.


У Магілёве Пуціну хваліліся аркай і лесвіцай. На людзей з інваліднасцю «забілі»? (ВІДЭА)

Чаму ў спісе? Таму што важна было наглядна паказаць, які ніт, коштам у некалькі мільёнаў даляраў, кладуць у Магілёве на людзей з інваліднасцю.

Leave a Reply

Your email address will not be published. Required fields are marked *