Святое возера. Тры гады без жыцця

Фотакарэспандэнт mspring.online захаваў апошнія моманты купальнага сезона каля вадаёма, купацца у якім катэгарычна забаронена – возера яшчэ ў 2014 годзе стала месцам лакальнага экалагічнага бедства.

13 жніўня. Магілёў. Святое возера. Ігар Лазоўскі


Некалі самы чысты вадаём Магілёва ўжо трэці год застаецца ў баку ад бурнага летняга жыцця. Каля берага пахне чымсьці гнілым, над вадой – шчыльная скарынка ціны і бруду, па якой ходзяць качкі і чайкі. Менавіта птушак гарадскія ўлады прызналі галоўнай прычынай забруджвання Святога возера. З-за велізарнай колькасці птушак і іх адходаў, вадаём кішыць шкоднаснымі бактэрыямі.

Вялікую ролю ў забруджванні гуляе маленькі астравок з гразі каля цэнтра возера. Там жыве найбольшая колькасць чаек. Таксама ў возера зліваюцца прадукты жыццядзейнасці людзей, якія пражываюць у прыватным сектары.

План па ачыстцы Святога возера быў складзены яшчэ ў 2010 годзе і каштаваў на той момант 30 мільярдаў рублёў. Сёння гэтая лічба вырасла ў 7-8 разоў. У гарадскім бюджэце ўжо які год не знаходзіцца сродкаў, каб прывесці Святое ў парадак. Грамадскія намаганні таксама не прынеслі выніку – магілёўскія актывісты сабралі больш за шэсць з паловай тысяч подпісаў з патрабаваннем пачаць ачыстку, але ўлады спаслаліся на недахоп фінансаў.

Трэцяе лета запар Святое возера не ведае купальшчыкаў. Калі ў бліжэйшы час не прыняць мер, некалі самы чысты вадаём ператворыцца ў балота.

IMG_1430

IMG_1434

IMG_1435

IMG_1437

IMG_1438

IMG_1440

IMG_1441

IMG_1446

IMG_1447

IMG_1448

IMG_1452

IMG_1455

IMG_1456

IMG_1458

IMG_1459

IMG_1462

IMG_1463

IMG_1466

IMG_1471

Каментар

Ваш e-mail не будзе апублікаваны ( required )

УКантакце

Facebook

Архіў