Аляксандр Cомаў, як сцвярджаюць відавочцы, ехаў павольна, на ім быў шлем, але ад смерці з-за небяспечнай ямы на дарозе гэта яго не ўратавала. У той жа час улады сцвярджаюць, што з дарогамі ў горадзе ўсё ў парадку.

13 траўня. Магілёў. Алесь Светлицкий / Фота на галоўнай – Алесь Сабалеўскі, vk.com/ales_sabalewski


Магілёўскі веласіпедыст і фатограф Аляксандр Сомаў трагічна загінуў у раёне Юбілейнага, побач з вуліцай Каралева, з-за ямы на дарозе. Як паведамілі ў ініцыятыве «Тутэйшы ровар», Сомаў наехаў на яму з лужынай, якая апынулася занадта глыбокай. У выніку падзення веласіпедыст памёр.

vk.com/ilovemogilev

Як адзначыла ў каментарах ў групе Магілёў.Live ягоная знаёмая Ірына Шылава, Аляксандр быў у шлеме і ехаў павольна:

Я ехала побач з Аляксандрам, калі гэта здарылася. Ехалі мы павольна. Ён заехаў у лужыну, а там аказалася глыбокая ямка. Патрапіўшы ў яе пярэднім колам, Аляксандр упаў і адразу адключыўся. Мы выклікалі хуткую, яго забралі ў гарадскую бальніцу, а дзесьці праз 30 хвілін ён сканаў. Аляксандар быў у шлеме.

vk.com/tutrovar

Як бачна па наступнай фатаграфіі, глыбіня ямы складае каля 10 сантыметраў.

vk.com/ilovemogilev

Ужо на наступны дзень дарожныя службы заладзілі яму. На жаль, для гэтага спатрэбілася, каб памёр чалавек.

Алесь Сабалеўскі, vk.com/ales_sabalewski
Алесь Сабалеўскі, vk.com/ales_sabalewski

Раней магілёўцы ўжо неаднаразова патрабавалі ад уладаў прывесці дарогі ў парадак. У папярэднія гады яны ладзілі прабегі, збіралі подпісы, але толку ад гэтага было няшмат.

У студзені гэтага года актывіст Аляксандр Хамратаў толькі пасля публічнага рэзанансу дамогся рамонту дарожнага палатна ў раёне Палаца гімнастыкі. Глыбіня ям там дасягала 13 сантыметраў.

На «Восьмом» начали заделывать многосантиметровые ямы. Для этого понадобился резонанс в СМИ