Цікавыя былі выказванні, аднак.

24 студзеня. Магілёў. Ігар Лазоўскі/ фота носіць ілюстрацыйны характар


Яшчэ за паўгода да запуску «Омск Карбон», абласное тэлебачанне «Беларусь 4» рыхтавала магілёўцаў і людзей, якія жывуць побач з прадпрыемствам, да яго працы. У красавіку ў эфіры праграмы «Чацвёртая студыя» чыноўнікі і кіраўнікі завода расказалі, што баяцца людзям няма чаго. Пачытайце і паглядзіце, што яны казалі, а потым параўнайце з апошнімі навінамі.

Канстанцін Цеплякоў, намеснік старшыні абласнога камітэта прыродных рэсурсаў і аховы навакольнага асяроддзя:

– На сённяшні дзень у Магілёўскай вобласці экалагічная сітуацыя стабільная і кантралюемая. Яна задавальняючая. Нейкіх перадумоў лічыць па-іншаму ў нас няма.

– Адкрыць нейкае прадпрыемства без праходжання дзяржаўнай экалагічнай экспертызы немагчыма. Абавязковай умовай праходжання экспертызы з’яўляецца ацэнка ўздзеяння на навакольнае асяроддзе і неабходнасць доказу таго, што пры распрацоўцы праекта ўлічваліся найлепшыя сучасныя сусветныя тэхналогіі вытворчасці.

Святлана Нячай, галоўны санітарны ўрач Магілёўскай вобласці:

– Што радуе, дык гэта тое, што любое прадпрыемства, якое ў нас адкрываецца, гэта, у цэлым, прадпрыемства добрасумленнае і добрапрыстойнае з пункту гледжання не толькі экалогіі, але і санітарна-эпідэміялагічнага заканадаўства.

Канстанцін Цеплякоў, намеснік старшыні абласнога камітэта прыродных рэсурсаў і аховы навакольнага асяроддзя:

 Тое, што мы бачым, адыходзіць, як правіла, ад паліваспальваючых установак – гэта, у першую чаргу, пар. То бок, гэта пары, якія кандэнсуюць мікрачасціны і ў выглядзе пара яны бачныя ў паветры. Хачу сказаць, што натуральна, з гэтымі дымавымі газамі што выкідваюцца, і пэўныя забруджвальныя рэчывы ў атмасферу, якія дакладна вызначаны матэрыяламі інвентарызацыі, на якія выразна ўсталяваныя межы дапушчальнай канцэнтрацыі, якія мы адсочваем і кантралюем на трубе і якія могуць быць непрыкметныя.

На пытанне аб тым, наколькі хутка могуць рэагаваць улады на паведамленні аб выкідах:

 Што тычыцца крыніцы выкіду, то тут пытанні разумнай мэтазгоднасці таксама гуляюць ролю. Але, у прынцыпе, нашы падраздзяленні працуюць і ў выхадныя дні ў дзяжурным рэжыме, гэтак жа сама фармуецца дзяжурная група з удзелам прадстаўніка лабараторнага падраздзялення, якая можа выехаць на крыніцу выкіду.

– Тут пытанне: аператыўна ці не? – вядучы праграмы Андрэй Скарабагатаў.

– Гэта, я лічу, дастаткова аператыўна. Тут тэрміны не настолькі вялікія, каб можна было кардынальна паўплываць на тэхналагічны працэс, нешта памяняць, скараціць, кацёл спыніць, гэта маё меркаванне.

Святлана Нячай, галоўны санітарны ўрач Магілёўскай вобласці:

– Заўваг на такіх роду аб’ектах заўсёды дастаткова шмат. Па вялікім рахунку, большасць з гэтых прадпрыемстваў трапляла або трапляе ў катэгорыю аб’ектаў сярэдняй групы рызыкі і правяраліся з перыядычнасцю раз у тры гады, што дазваляла назапашвацца вызначанай колькасці парушэнняў. У першую чаргу, яны тычыліся ўмоў працы працуючых.

І Магілёў, і Бабруйск, і Крычаў, – гэта прамысловае развітыя прадпрыемствы. Сітуацыя да лепшага мяняецца, прадпрыемствы мадэрнізуюцца.

Андрэй Шароў, начальнік аддзела эканомікі Магілёўскага райвыканкама:

 Любое прадпрыемства, перш чым адкрыцца, праводзіцца аналіз яго працы і санслужба дае дазвол на адкрыццё, што мы даем даводзім да нашых жыхароў. Будоўля на чацвёртым участку (СЭЗ «Магілёў») усхвалявала іх.

– Што вы ім тлумачыце?  пытанне вядучага Андрэя Скарабагатава.

– Аналізуючы работу гэтага прадпрыемства ў Расійскай Федэрацыі, дакументацыю, якую яны распрацоўваюць, мы разумеем, што гэта сучаснае прадпрыемства, якое адпавядае ўсім заканадаўчым актам Рэспублiкi Беларусь па экалагічнай бяспецы … Усё будзе кантралявацца аўтаматыкай.

 Мы сочым за працай [прадпрыемства «Омск Карбон»] і спадзяемся, што ўсё ж такі ў нас не будзе праблем.

Мікалай Крывіцкі, генеральны дырэктар «Омск Карбон Магілёў»:

 У нас стопрацэнтная аўтаматызацыя ўсіх працэсаў вытворчага цыклу. Гэтым і дасягаецца бяспека. Таксама ў нас усталёўваецца сістэма пылу-газаачысткі з фільтруючымі элементамі вытворчасці ЗША, фірма «Паршэ», яны вельмі дарагія. Ступень ачысткі – 99,99%.

Дзмітрый Гурыкаў, дырэктар навукова-вытворчай фірмы «Экалогія».

 … Можна і актываваны вугаль назваць сажай, калі прытрымлівацца такой тэрміналогіі. На самай справе, тэхнічны вуглярод – гэта высокатэхналагічны прадукт. На асновы вопыту дзеючых прадпрыемстваў у РФ, калі мы ацэньваем бяспеку  ствараемага прадпрыемства [у Магілёве], усе вытворчыя працэсы цалкам герметызаваныя, аўтаматызаваныя, прымяняюцца ўсе самыя сучасныя сродкі ачысткі і ўлоўлівання забруджваючых рэчываў у адыходзячых выкідах. Акрамя таго, на прадпрыемстве будуць устаноўлены сістэмы аўтаматычнага кантролю якасці адыходзячых газаў, якія будуць у рэальным часе перадаваць інфармацыю тэрытарыяльным органам Міністэрства прыродных рэсурсаў і навакольнага асяроддзя. Яны змогуць у рэжыме рэальнага часу азнаёміцца з выкідамі прадпрыемства на канкрэтным тэхналагічным рэжыме працы.

Што было потым?

У лістападзе 2018 года жыхары аграгарадка Вейна ўбачылі на сваіх падваконніках штосьці накшталт сажы. Афіцыйныя ўлады ў асобе Канстанціна Цеплякова, намесніка старшыні абласнога камітэта прыродных рэсурсаў і аховы навакольнага асяроддзя, прызналі, што завод у першы ж месяц сваёй працы перавысіў нарматыў выкіду цвёрдых макулінак ў 40 разоў: 690,17 мг/м³ пры норме ў 17,01 мг/м³.

У студзені 2019 года падчас прэс-канферэнцыі старшыня Магілёўскага абласнога камітэта прыродных рэсурсаў і аховы навакольнага асяроддзя Мікалай Дзядкоў пацвердзіў, што група спецыялістаў зафіксавала перавышэнне. Аднак «фактаў перавышэння забруджвання атмасфернага паветра ў зоне пражывання грамадзян выяўлена не было».

Акрамя гэтага, намеснік кіраўніка адміністрацыі свабоднай эканамічнай зоны «Магілёў» Ірына Давыдзенка заявіла, што «”Омск Карбон Магілёў” ўсталюе сучасную сістэму аўтаматычнага кантролю прамысловых выкідаў ».

Падчас сустрэчы з жыхарамі Магілёва і Вейна, кіраўніцтва завода гарантавала, што прадпрыемства будзе бяспечна функцыянаваць шмат гадоў.

Активист: после запуска «Омск Карбона» на подоконниках образовался слой сажи

Руководство «Омск Карбона» и чиновники заявили, что завод не опасен. Правозащитника и некоторых журналистов на встречу не пустили

Активисты потребовали от прокуратуры привлечь «Омск Карбон» к ответственности за вредные выбросы

https://mspring.online/ru/omsk-bird/

Leave a Reply

Your email address will not be published. Required fields are marked *