Банэр у цэнтры Магілёва: шчаслівага шлюбу ў ЛГБТ + быць не можа (ФОТАФАКТ)


НЕЗВЫЧАЙНАЕ / Saturday, May 19th, 2018

Сакрэт шчаслівай сям’і – каб ніякай гомасэксуальнасьці і каб захоўвалася іерархія паміж мужчынам і жанчынай.

19 траўня. Магілёў. Алесь Святліцкі


19 траўня ў парку Горкага праваслаўная царква правяла фэст для дзяцей і бацькоў «Сямейныя традыцыі». Праграма фэсту была распрацавана «на аснове сямейных традыцый і каштоўнасцяў сям’і Раманавых» – апошніх кіраўнікоў Расійскай імперыі.

Свята выйшаў даволі мілым – дзецям і іх бацькам у якасці забаў прапаноўвалі пагуляць у настольныя гульні, прымерыць форму супрацоўніка ДАІ, перацягваць канат, вязаць вузлы і многае іншае.

У сектары, пазначаным як “Жаночы клуб”, арганізатары размясцілі банер «Рэцэпт шчаслівай сям’і». На іх думку, шчаслівымі ў шлюбе могуць быць толькі мужчына і жанчына, «аднак у свеце існуе тэндэнцыя да распаўсюджвання гомасэксуальных саюзаў, а ў некаторых краінах аднаполым партнёрам дазваляюць нават усынаўляць дзяцей».

Яшчэ адзін інгрэдыент шчаслівай сям’і – іерархія паміж мужам і жонкай, бо менавіта жанчыны «выходзяць замуж». І робяць гэта не для таго, каб трымаць каго-небудзь пад абцасам або задавальняць чыесьці патрэбы, а каб быць, “як за каменнай сцяной”.

Фестываль «Сямейныя традыцыі» прымеркаваны да 150-годдзя з дня нараджэння апошняга расійскага імператара Мікалая II, 100-годдзю з дня пакутніцкай смерці святой царскай сям’і, а таксама Міжнароднаму дню сям’і.

One Reply to “Банэр у цэнтры Магілёва: шчаслівага шлюбу ў ЛГБТ + быць не можа (ФОТАФАКТ)”

  1. Как один из организаторов этого фестиваля, по-доброму радуюсь, что зацепились только за банер)))Честно, думала, что найдете большее количество вещей, которые вас не устроят. Удивительно, что среди такого позитива и качественного досуга для семей нашего города, вас вдруг заволновало счастье геев))) И так пафосно :”Аж в центре города такой плакат!С ума сойти! Как так можно! ” Но за название статьи вам отдельное спасибо. Людям явно захочется посмотреть не фотоурывки праздника, а составить для себя картину целиком. Глядишь, город-то маленький, услышат от друзей впечатления, найдут ролики с мероприятия и снимки. Выходит, хотели высмеять, а получается помогаете!)))) https://vk.com/club164654215?w=wall-164654215_66%2Fall

Leave a Reply

Your email address will not be published. Required fields are marked *