Міліцыя страціла заяву журналіста на ўзбуджэнне крымінальнай справы

За гэта ўчастковага інспектара пакаралі рублём.

12 студзеня. Магілёў. Алесь Святліцкі


12 верасня 2017 года журналіст Уладзімір Лапцэвіч падаў заяву на ўзбуджэнне крымінальнай справы ў дачыненні да супрацоўніка адміністрацыі Ленінскага раёна Канстанціна Кісцянёва. На думку карэспандэнта ІА «Белапан», чыноўнік перавысіў свае службовыя паўнамоцтвы, калі ў траўні таго ж года не даў трапіць на пасяджэнне гаражнага кааператыва “Спадарожнік-2008”.

– Мяне туды паклікалі члены кааператыва як журналіста, аднак Кісцянёў сказаў, што доступ мне туды забаронены, паколькі я не састаю у кааператыве, – растлумачыў журналіст.

Усё лета і вялікую частку восені Лапцэвіч спрабаваў прыцягнуць чыноўніка да адміністрацыйнай адказнасці. Ленінскі РАУС некалькі разоў адмаўляўся пачынаць працэс, аднак журналіст праз суд дабіваўся вяртання матэрыялаў справы на новы разгляд.

У верасні Уладзімір заявіў яшчэ і на ўзбуджэнне крымінальнай справы. Намеснік начальніка Ленінскага РАУС Юрый Калацілкін адказаў, што заява будзе далучана да матэрыялаў адміністрацыйнага працэсу, паколькі ніякіх новых фактаў, на думку міліцыянта, журналіст не прадставіў.

Калі міліцыя ў чарговы раз адмовілася караць чыноўніка, Лапцэвіч паскардзіўся ў абласное УУС. Журналіст вельмі моцна здзівіўся, калі даведаўся, што заява на ўзбуджэнне крымінальнай справы кудысьці прапала.

УУС Магілёўскага аблвыканкама прызначыла з гэтай нагоды службовую праверку. Пару дзён таму мне прыйшоў ліст ад намесніка начальніка Сяргея Волкава, у якім той прызнаў факт нядбайнага стаўлення да дакументаў. Ўчастковага інспектара Ленінскага РАУС Ганчаронка прыцягнулі да матэрыяльнай адказнасці, – распавёў Лапцэвіч.

Каментар

Ваш e-mail не будзе апублікаваны ( required )

УКантакце

Facebook

Архіў