Магілёўскія праваабаронцы прынялі ўдзел у распрацоўцы стратэгіі супраць падатку на дармаедства

Барыс Бухель, Валадар Цурпанаў і Аляксандр Хамратаў разам з праваабаронцамі і юрыстамі з усёй Беларусі абмеркавалі метады барацьбы супраць дэкрэта «Аб сацыяльным ўтрыманстве».

2 лістапада. Мінск-Магілёў. Ігар Лазоўскі. Фота – Радыё Рацыя


Круглы стол адбыўся 1 лістапада пад эгідай незалежнага прафсаюзу радыё-электроннай прамысловасці (РЭП) у Мінску.

У сустрэчы прынялі ўдзел каля дваццаці чалавек – прадстаўнікоў праваабарончых арганізацый і беларускіх прафсаюзаў.

Сярод прыярытэтных задач магілёўскі актывіст і праваабаронца Валадар Цурпанаў назваў распрацоўку інструкцыі з канкрэтнымі дзеяннямі для грамадзян. Акрамя гэтага, на круглым стале заявілі пра неабходнасць стварэння адпаведнай інструкцыі для юрыстаў, да якіх звяртаюцца людзі.

Адным з магчымых спосабаў барацьбы праваабаронцы і прафсаюзы ўбачылі правядзенне масавых мерапрыемстваў, а таксама зварот у падатковыя органы. Беларускі Хельсінскі камітэт у асобе Гары Паганяйла ўзяў на сябе адказнасць за прыцягненне да антыканстытуцыйнага дэкрэтам ўвагі міжнародных структур. Удзельнікі сустрэчы пагадзіліся, што ўсе дзеянні павінны актыўна асвятляцца ў СМІ.

Як адзначыў Барыс Бухель, мерапрыемства прайшло плённа і цяпер ёсць дакладнае разуменне таго, што неабходна рабіць для вырашэння праблемы:

– Мы дамовіліся размеркаваць працу паміж удзельнікамі круглага стала. Частку возьме на сябе Беларускі Хельсінскі камітэт, частку – РЭП, частку возьмуць магілёўскія праваабаронцы, астатнія таксама не застануцца без справы. Наперадзе нас чакае сур’ёзная праца.

Нагадаем, што за апошнія два тыдні магілёўскія праваабаронцы сутыкнуліся з рэзкім ростам зваротаў, якія тычацца падатку на дармаедства.

2 COMMENTS

  • Валадар

    …Аляксея згубілі!

    Рэд. Дзякуй, выправілі!

  • Любовь

    Народу, через все общественные организации, необходимо высказать протест против налога за туниядство! Я считаю, что всех кто причастен к оному, просто пофамильно, надо уволить без права работать в госструктурах, за то, что предоставили на подпись такого уровня безграмотный закон, где юридических нарушений столько, что стыдно за то, что рядом с Президентом такие псевдодепломированные специалисты! Я вижу там только лизоблюдов и трусов, готовых на преступления ради сохранения своего кресла и желания урвать для личной выгоды.

Каментар

Ваш e-mail не будзе апублікаваны ( required )

УКантакце

Facebook

Архіў