Магілёўская міліцыя абвінаваціла фрылансераў Міхаіла Аршынскага, Аліну Скрэбунову і Аляксандра Сідарэўскага у працы на тэлеканал БелСАТ.

17 сакавіка. Магілёў. Алесь Святліцкі


З надыходам цяпла ў Магілёве рэзка актывізавалася міліцыя. За апошнія два месяцы супрацоўнікі Ленінскага і Кастрычніцкага РАУС сумесна аформілі ўжо пяць адміністрацыйных спраў у дачыненні да мясцовых фрылансераў.

Першыя два – у дачыненні да Аліны Скрэбуновай і Аляксандра Сідарэўскага – ужо скончыліся судамі. Мы пісалі, як за рэпартаж аб гарадскім тралейбусным парку дзяўчыне далі 50 базавых велічынь штрафу, а хлопцу – 20 базавых.

В Могилеве журналистке дали максимально возможный штраф за репортаж о троллейбусах

Як аказалася, гэта не канец. На Скрэбунову і Сідарэўскага зноў заведзеныя справы аб адміністрацыйных правапарушэннях – і зноў за журналісцкую дзейнасць.

Іх абвінавачваюць у тым, што яны незаконна зрабілі сюжэт для тэлеканала БелСАТ. Рэпартаж датычыўся суда над палітычным актывістам Станіславам Паўлінковічам 20 лютага.

Могилевскому активисту Стасу Павлинковичу дали 810 рублей штрафа за акции двухмесячной давности

Супрацоўнікі Ленінскага РАУС Дзмітрый Гоманаў і Васіль Карнеенка склалі пратаколы на Скрэбунову і Сідарэўскага 13 сакавіка. Згодна з матэрыяламі справы, фрылансеры «прынялі ўдзел ў незаконным вырабе прадукцыю СМІ без акрэдытацыі» для тэлеканала БелСАТ, чым парушылі ч.2 арт.22.9 КаАП. Журналістам таксама ўручылі позвы ў суд Ленінскага раёна на 19 сакавіка.

У гэты ж дзень павінны былі судзіць іншага магілёўскага фрылансера – аператара Міхаіла Аршынскага, якога таксама падазраюць у працы на тэлеканал БелСАТ.

Аршынскі быў раптам затрыманы 12 сакавіка наўпрост каля свайго дома, пасля чаго яго даставілі ў Кастрычніцкі РАУС. Там супрацоўнікі міліцыі Волкаў і Бяляцкі склалі адміністрацыйны пратакол за «незаконны выраб прадукцыі СМІ» і парушэнне артыкула 22.9 КаАП.

В Могилеве без объяснения причин задержали фрилансера-оператора Михаила Аршинского ДОПОЛНЕНО

У віну Аршынскаму паставілі здымкі акцыі пратэсту супраць падвышэння коштаў на бензін, якая праходзіла 8 лютага ў Магілёве каля ГЦ «Е-сіці».

Яму таксама ўручылі позву ў суд Кастрычніцкага раёна на 19 сакавіка, але пазней Міхаілу прыйшло СМС-паведамленне аб пераносе ягонага працэсу на 27 сакавіка.

Не выключана, што суды над Скрэбуновай і Сідарэўскім таксама перанясуць.