На працягу года пасля святкавання стогадовага юбілею беларускай міліцыі, ахоўнікі правапарадку з Магілёўскай вобласці паўдзельнічалі ў некалькіх факапах.

4 сакавіка. Магілёў. Ігар Лазоўскі. Фота на галоўнай uvd.mogilev.by, Алена Ігнатава.


4 сакавіка ў Беларусі адзначаецца Дзень міліцыі. Сілавікі атрымліваюць у сваё ўладанне канцэртныя залы, афіцыйныя сайты публікуюць віншавальныя лісты, а начальнікі рапартуюць пра выкананне планаў. Шмат хто з супрацоўнікаў органаў унутраных спраў сапраўды робіць сваю працу добра. Аднак ёсць і тыя, хто сваімі дзеяннямі ператварае прафесію міліцыянта ў страхлелае рэшата.

Зрэшты, у афіцыйных міліцэйскіх асоб пра скандалы казаць не прынята. Калі нейкі міліцыянт трапляецца на магчымым злачынстве, выразных каментароў ад той жа прэс-службы УУС Магілёўскага аблвыканкама, хутчэй за ўсё, вы проста не дачакаецеся.

У Дзень міліцыі ўспамінаем, у якіх скандалах паўдзельнічалі сілавікі пачынаючы з мінулага «дня нараджэння».

МІЛІЦЭЙСКІ МАРЫНАД

На выезде из Могилева задержали 11 человек – активистов «Движения матерей-328»

У 2018 году стогадовы юбілей, акрамя беларускай міліцыі, святкавалі яшчэ і беларускія патрыёты. 25 сакавіка ў Мінску адбылося вялікае свята ў гонар Дня Волі – ад дня абвяшчэння Беларускай нацыянальнай рэспублікі прайшло роўна стагоддзе.

На падзею масава паехалі і магілёўцы, толькі вось мясцовыя сілавікі адпускалі іх на ўрачыстасці неахвотна.

Раніцай 25 сакавіка на выездзе з горада патруль ДАІ спыніў мікрааўтобус з актывістамі «Матчынага руху-328». 11 чалавек накіроўваліся ў сталіцу, каб прыняць удзел у свяце з нагоды стагоддзя БНР. Намінальная прычына міліцэйскага ўмяшальніцтва – падазрэнне ў перавозцы наркатычных і псіхатропных рэчываў. Мікрааўтобус абшукалі. Людзей затрымалі і суправадзілі ў Магілёўскі РАУС, дзе пратрымалі шэсць гадзін, хаця паводле закону ў такіх выпадках даецца не больш за тры гадзіны.

У выніку, вядома, нічога не знайшлі. Жанчын і мужчын проста прамарынавалі ў райаддзеле да таго часу, пакуль не пераканаліся, што на мінскае свята людзі ўжо проста не паспеюць.

ЗАДНЕПРАХОДЦЫ

“Били по гениталиям, угрожали засунуть швабру в анал”

Восенню 2018 года рэзананс атрымала гісторыя, якая здарылася аж тры гады таму. Магілёвец Аляксандр Кускоў у інтэрв’ю для mspring.online распавёў, як яго пагражалі згвалтаваць швабрай ў адным з пастарункаў Магілёва.

У жніўні 2015 года ў яго здарылася невялікая бойка з участковым інспектарам з-за таго, што той праявіў грубасць у адносінах да дзяўчыны Аляксандра (пазней за гэты інцыдэнт Кускову далі два гады калоніі). У апорку прыехаў АМАП. Яго, як сцвярджае Аляксандр, збілі.

– Затым ўзялі швабру, рэзка сарвалі з мяне шорты і сталі пагражаць, што засунуць яе ў анал. Я сказаў, што калі яны так зробяць, то любая экспертыза потым гэта пакажа. Толькі пасля гэтага яны адмовіліся. Пачалі біць яшчэ і швабрай. Удзельнічалі і амапаўцы, і ўчастковы, – успамінаў мужчына.

Гэта ўжо была другая гісторыя за апошнія два гады, калі прадстаўнікі магілёўскай міліцыі адчувалі невытлумачальную цягу да саддаміравання іншага чалавека.

Раней праваабаронцы з «Прававой ініцыятывы» апублікавалі гісторыю магілёўца Стаса, якога, па яго сцвярджэнні, згвалтавалі міліцэйскай дубінкай у пастарунку, а пасля яшчэ і распачалі ў дачыненні да яго крымінальную справу за тое, што той зламаў стол (пасля справу спынілі, не давёўшы да суда).

ОПЕР-НАРКАКУР’ЕР

Шкловского милиционера задержали с большой дозой наркотиков. Но, возможно, он замешан ещё и в избиении пенсионера

Барацьба сілавікоў супраць наркотыкаў стала ўжо легендарнай, а артыкул 328 Крымінальнага кодэкса за збыт, захоўванне або набыццё «сродкаў пашырэння свядомасці» ператварыўся ў сумны беларускі мем. Тым весялей выйшла сітуацыя з оперупаўнаважаным Шклоўскага РАУС Максімам Івановым.

У сярэдзіне лютага телеграм-канал NEXTA паведаміў, што віцебскія міліцыянты ўзялі свайго калегу з 29,9 грамамі псіхатропнага рэчыва альфа-PVP. У адносінах да яго была ўзбуджаная крымінальная справа за незаконны абарот наркотыкаў з мэтай збыту.

Інфармацыю аб затрыманні пацвердзіла віцебская міліцыя. УУС Магілёўскага аблвыканкама на пытанні журналістаў адмаўчаўся.

Затрыманым, мяркуючы па ўсім, стаў оперупаўнаважаны аддзела крымінальнага вышуку Шклоўскага РАУС Максім Іваноў. У 2017 году юны сілавік атрымаў званне «старэйшага лейтэнанта». Пагоны яму ўручыў асабіста начальнік упраўлення аховы правапарадку і прафілактыкі УУС Магілёўскага  аблвыканкама   Павел Смірноў.

Ад крывой дарожкі хлопца гэта не ўратавала. Мабыць, высокага і стабільнага міліцэйскага заробку маладому оперу не хапіла.

МСЦІСЛАЎСКІ КАЎБОЙ

Мстиславский милиционер избил двух задержанных. Ему грозит до 10 лет тюрьмы

У другой палове лютага іміджу мясцовай міліцыі прыляцеў яшчэ адзін удар. Праўда, ужо з іншага райцэнтра. Высветлілася, што ў лістападзе 2018 года ў будынку Мсціслаўскага РАУС участковы інспектар міліцыі, малодшы лейтэнант Мікалай Раеў збіў двух затрыманых – беспрацоўнага Швядкова А.М. і індывідуальнага прадпрымальніка Купчына Н.А.

Нягледзячы на тое, што інцыдэнт здарыўся яшчэ ў лістападзе, кантракт з міліцыянтам скасавалі толькі 6 лютага гэтага года. У сувязі са здарэннем Мсціслаўскі раённы аддзел Следчага камітэта распачаў крымінальную справу за перавышэнне службовых паўнамоцтваў па ч. 3 арт. 426. Калі віна былога ўчастковага будзе даказаная, то яму пагражае ад 3 да 10 гадоў турмы.