Экс-ваенны «рускамірац» у Магілёве: «Апушчаная БЧБ-мр*зь, вырашыла чымсьці напалохаць»


СОЦЫУМ / Monday, May 14th, 2018

Аляксей Галавін публічна абражае нацыянальную культуру Беларусі, але пры гэтым ходзіць па цэнтральнай вуліцы Магілёва ў той жа калоне, што і магілёўскія ўлады.

14 мая. Магілёў. Алесь Святліцкі


Расійскі шавініст Аляксей Галавін вядомы ў СМІ як муж кіраўніка Беларускага нацыянальнага кангрэса ў Магілёве Вольгі Тышкевіч. У лютым 2017 года ён быў удзельнікам пікета ў падтрымку Расеі ў Менску, заявіўшы, што «беларусы і расіяне – адзін народ».

9 траўня ён прыняў удзел у магілёўскай акцыі «Несмяротны полк», прайшоўшы ў калоне пад расейскім трыкалёрам. У сацсетках ён распавёў, як абразіў жанчыну, якая папрасіла прыбраць сцяг іншай краіны:

У парадзе бралі таксама ўдзел ветэраны, прадстаўнікі ўладаў і моладзь.

Вядома, што Галавін – былы ваенны, які ўдзельнічаў у баявых дзеяннях у Нагорным Карабаху і Прыднястроўі. Там у яго быў пазыўны «Шахід», які зараз сам Галавін трансфармаваў у «Вялікі Шахід».

Ён займаецца адзінаборствамі і рэгулярна выязджае на ваенна-патрыятычныя гульні. Акрамя таго, любіць пазіраваць ў сацыяльны сетках са зброяй. У сваіх пастах у Facebook і Вконтакте ён часцяком абразліва выказваецца пра нацыянальныя каштоўнасці беларусаў.

Адзначым, што на магілёўскім парадзе Перамогі-2018 значна часцей выкарыстоўвалі расійскую і савецкую сімволіку, калі параўноўваць з падобнымі мерапрыемствамі мінулых гадоў.

Leave a Reply

Your email address will not be published. Required fields are marked *