Дырэктарка магілёўскай школы схлусіла кандыдату ў дэпутаты і не паслухалася выбарчую камісію

Алег Аксёнаў павінен быў правесці сустрэчу з выбаршчыкамі, але нарваўся на жорсткую рэакцыю кіраўніка СШ №21 Галіны Віктаравай.

30 жніўня. Магілёў. Алесь Светлицкий. Фота – сайт гарвыканкама, Любоў Салаўёва


Сустрэча з выбаршчыкамі ў актавай зале сярэдняй школы №21 была запланаваная яшчэ 19 жніўня. Менавіта тады кандыдат у дэпутаты па Магілёўскай-Цэнтральнай выбарчай акрузе №85 Алег Аксёнаў падаў адпаведную заяву на правядзенне мерапрыемства ў гэтым памяшканні. У дзень X яго з даверанымі асобамі не пусціла дырэктар школы Галіна Віктарава.

– Нам у вельмі грубай форме было адмоўлена ў выдзяленні памяшкання. Дырэктар заявіла, што ёй ніхто нічога не казаў, ні аб якой сустрэчы з выбаршчыкамі яна не ведае і пускаць нас адмовілася наадрэз. Нам прыйшлося ехаць у акруговую камісію, каб высветліць сітуацыю. Аказалася, што Віктарава проста хлусіла. Член выбарчай камісіі сказаў, што ўсіх патрэбных асоб апавясцілі аб сустрэчы загадзя і прадаставіў копію дакумента, які быў адпраўлены дырэктару школы. У ім выразна гаварылася, што ў гэты дзень і ў гэты час у актавай зале павінна прайсці мая сустрэча з выбаршчыкамі, – паведаміў Аксёнов карэспандэнту MSPRING.ONLINE.

Кандыдат у дэпутаты вярнуўся ў школу і абвінаваціў дырэктарку ў хлусні. У адказ Галіна Віктарава сказала, што «так атрымалася».

– Яна прызнала, што дапусціла памылку, і сказала, што ў дадзены момант у актавай зале праходзіць сустрэча з бацькамі школьнікаў. Папрасіла нас крыху пачакаць, нібыта ўсё павінна хутка скончыцца. У выніку мы прачакалі больш за паўгадзіны, ніхто нават не выходзіў з актавай залы. Мы разам з маімі даверанымі асобамі вырашылі згарнуцца і з’ехаць. Ўжо паспелі падаць скаргу ў выканаўчы камітэт, – сказаў Алег Аксёнаў.

Палітык не ведае, чым выкліканая такая рэакцыя і, паводле яго слоў, «застаецца толькі здагадвацца, чаму дырэктарка пайшла на такі крок».

На наступным тыдні ў каманды Алега Аксёнава запланаваная яшчэ адна сустрэча з выбаршчыкамі ў гэтай школе.

Каментар

Ваш e-mail не будзе апублікаваны ( required )

УКантакце

Facebook

Архіў