Крывадушнасць гарадскіх уладаў: менш, чым праз суткі ад помніка Леніна выкінулі ўсе кветкі (ФОТА)


СОЦЫУМ / Thursday, November 8th, 2018

7 лістапада вельмі важнае свята для нашай дзяржавы і прэзідэнта. Але толькі на адзін дзень.

8 лістапада. Магілёў. Ігар Лазоўскі. Галоўнае фота – 7 лістапада 2018.


7 лістапада ў Магілёве каля помніка Леніну ў цэнтры горада прайшоў мітынг у 300-400 чалавек у гонар дня Кастрычніцкай рэвалюцыі.

Кастрычніцкая рэвалюцыя вызначыла ход гісторыі, ускалыхнула мільёны людзей на барацьбу супраць прыгнёту і няроўнасці. Яна паўплывала на лёс нашай краіны. Гэта сімвал пераўтварэння Беларусі, сімвал абаронцаў айчыны, – заяўляў на мітынгу 7 лістапада першы сакратар Магілёўскага абкама КПБ Алег Стальмашок, які займае таксама пасаду начальніка упраўлення культуры Магілёўскага аблвыканкама. Акрамя яго, на мерапрыемстве выступілі яшчэ некалькі высокапастаўленых чыноўнікаў горада. У канцы ўдзельнікі мітынгу ўсклалі кветкі да помніка Уладзіміра Леніна, каб выказаць сваю пашану дзяржаўнаму перавароту 1917 года.

Важнасць Кастрычніцкай рэвалюцыі адзначаў нават прэзідэнт Беларусі Аляксандр Лукашэнка, які верыць у тое, што «7 лістапада – свята міру і сапраўдных правоў чалавека».

Аднак у Магілёве свята атрымалася крыху крывадушным – ужо з раніцы 8 лістапада, менш, чым праз суткі, усе кветкі, ускладзеныя да помніка Леніну, прыбралі. Кветкі, калі што, набытыя за свае грошы людзьмі, якія прыйшлі на мітынг.

Белорусские власти сделали день Октябрьской революции своим днём (ВИДЕО)

Leave a Reply

Your email address will not be published. Required fields are marked *