Дарагія паслугі ў сферы аховы здароўя вымушаюць людзей выходзіць на вуліцы

Свабодны прафсаюз металістаў і партыя «Справядлівы свет» падаюць заяўку на пікет у Магілёве.

19 траўня. Магілёў. Алесь Святліцкі


Прадстаўнікі некалькіх палітычных сілаў заявілі пра намер правесці пікет супраць падаражэння медыцынскіх паслуг. Свабодны прафсаюз металістаў і партыя левых «Справядлівы свет» на дадзены момант шукаюць падтрымкі ў прадстаўнікоў іншых грамадскіх і палітычных аб’яднанняў:

– Вырашылі правесці пікет у сувязі з непад’ёмнымі коштамі медыцынскіх паслуг пры тым, што павышаюцца таксама тарыфы на камунальныя паслугі і растуць цэны на прадукты. Заробак застаўся на тым жа ўзроўні. Наша мэта – прыцягнуць увагу грамадзян да гэтай праблемы, – пракаментавала сутнасць пікету адна з арганізатараў Галіна Лісіцына.

Мерапрыемства плануецца правесці 11 чэрвеня. Усе дакументы, як запэўнівае Лісіцына, будуць прадстаўленыя ў гарвыканкам 23-24 траўня. Да гэтага часу ідзе пошук саюзнікаў:

– Першапачаткова пікет планаваўся ад Свабоднага прафсаюза металістаў. Потым да нас далучылася партыя «Справядлівы свет». Былі таксама ў БНФ, аднак яны адмовіліся падтрымаць нас, – сказала Лісіцына.

Паводле яе слоў, праблема дарагога медыцынская забяспечання цяпер стаіць асабліва востра – у сувязі з крызісам у насельніцтва можа проста не застацца грошай на сваё здароўе:

– Я звярталася з гэтым пытаннем да начальніка ўпраўлення аховы здароўя Магаблвыканкама Жыліну. Ён мне на ўсе адказаў, што медыцына ў нас бясплатная. Вось так. Але нават асобам,  якім прызначаныя планавыя аперацыі, ўзнялі кошты на лекі, – сказала Лісіцына.

Плануецца, што ў пікеце прыме ўдзел каля 10 чалавек.

Нагадаем, на пачатку траўня магілёўскія праваабаронцы, журналісты, актывісты і палітыкі вырашылі дамагчыся змены мясцовага заканадаўства ў сферы масавых мерапрыемстваў.

3 COMMENTS

Каментар

Ваш e-mail не будзе апублікаваны ( required )

УКантакце

Facebook

Архіў