Андрэю Бандарэнку не ўдаецца аспрэчыць спагнанні з боку турмы

Чарговы працэс па скарзе праваабаронцы скончыўся не на яго карысць.

19 снежня. Магілёў. Суд Ленінскага раёна. Алесь Святліцкі. Здымак – mogilev-region.gov.by


Судзьдзя суда Ленінскага раёну Галіна Тарасава 19 снежня прызнала правату адміністрацыі магілёўскай турмы №4, якая прызначыла Андрэю Бандарэнку чарговае дысцыплінарнае спагнанне.

30 верасня у адзіночную камеру да Бандарэнкі зайшоў адзін з супрацоўнікаў турмы, у якога былі пытанні да якасці канвертаў, якія вырабляе праваабаронца. Дыялог праходзіў спакойна, пакуль не ўвайшоў яшчэ адзін супрацоўнік і ня адчытаў зняволенага за адсутнасць рапарту.

Згодна з правіламі, дзяжурны па камеры павінен дакладваць перад супрацоўнікамі турмы пра колькасць зняволеных у камеры, іх прозвішчы, а таксама артыкулы, па якіх яны былі асуджаныя. Паколькі Бандарэнка знаходзіўся ў адзіночнай камеры, менавіта ён павінен быў прадставіць гэтую інфармацыю, чаго не зрабіў. Гэта паслужыла падставай для накладання 6 кастрычніка дысцыплінарнага спагнання ў выглядзе штрафу.

Праваабаронца разам з адвакатам Вадзімам Мушынскім абскардзілі рашэнне адміністрацыі турмы №4, аднак судзьдзя Галіна Тарасава ўстала на бок прадстаўнікоў сістэмы выканання пакаранняў. Зараз рыхтуецца касацыйная скарга ў суд.

Усяго на Андрэя Бандарэнку ўскладзена больш за дзесятак спагнанняў з боку розных месцаў пазбаўлення волі, дзе ён адбываў тэрмін. З-за гэтага былы кіраўнік праваабарончай «Платформы Іннавэйшн» прызнаны злосным парушальнікам рэжыму. У дачыненні да яго распачата справа за злоснае непадпарадкаванне патрабаванням адміністрацыі папраўчай установы. Калі яго прызнаюць вінаватым, яму пагражае да двух гадоў зьняволеньня. Цяперашні тэрмін Бандарэнка заканчваецца 31 сакавіка 2017 года.

Каментар

Ваш e-mail не будзе апублікаваны ( required )

УКантакце

Facebook

Архіў